德國大勝庫拉索7:1，哈伐斯梅開二度
2026 世界盃E組首戰，德國隊以7:1嘅懸殊比數大炒首次晉身決賽周嘅加勒比海小國庫拉索，強勢響頭炮！今場比賽，德國排出4-2-3-1陣式，辛尼正選上陣，重返國家隊嘅紐亞亦事隔兩年再次把關。面對實力較弱嘅庫拉索，德國開賽早段已控制戰局，並喺6分鐘由中場安美卡勁射破門開紀錄。
庫拉索寫下歷史一頁，德國榮升世盃入球王
雖然庫拉索喺21分鐘靠一次長傳轉邊進攻，由高明蘭西亞射門省中人，轟破紐亞大關追成1:1，寫下呢個加勒比海小國喺世盃史上嘅第一球，但德國實力始終高出兩至三班波。舒洛達碧克喺38分鐘接應角球頂入，哈伐斯亦梅開二度，最終德國以7:1大勝。呢場大勝令德國隊喺世界盃決賽周嘅累計入球達到239球，超越足球王國巴西嘅238球，榮升賽事累計入球王！
