K-Pop 女神空降墨西哥！Aespa 雙姝現身瓜達拉哈拉
2026 世界盃 A 組賽事爆出「最美風景線」！韓國隊喺分組賽首戰對陣捷克，雖然一度落後，但最終憑住黃仁範嘅精彩發揮以 2:1 反勝。不過，全場焦點除咗喺球場內，觀眾席上嘅星光更加璀璨。K-Pop 頂流女團 Aespa 兩大核心 Karina 同 Winter，竟然親身飛到墨西哥瓜達拉哈拉球場為「太極虎」打氣！
「人間 AI」派心心！權恩妃火辣 Tee 裝成全場焦點
根據現場波友直擊，Karina 同 Winter 當日著住闊身紅色韓國隊應援上衣，雖然打扮隨性，但依然掩蓋唔到「人間 AI」嘅超強氣場。兩位女神喺開賽前不斷用手機自拍，見到有粉絲「捕獲」仲大方派心心，親和力爆燈。除咗 Aespa，同行仲有「水彈女神」權恩妃。權恩妃喺出發當日已經因為一件緊身贊助商 Tee 突顯玲瓏浮凸身形而令網民熱血沸騰，去到比賽日佢換上熱褲盡騷逆天美腿，簡直係將球場氣氛推向最高點！
女神加持太極虎反勝！吳賢揆帶病奠勝夠勵志
可能係有女神喺看台加持，韓國隊今場踢得特別有血性。雖然上半場先失波，但下半場憑住黃仁範一傳一射，加上吳賢揆喺發燒 38 度嘅情況下帶病上陣射入奠勝球，最終成功全取 3 分。賽後唔少波友笑言：「有 Karina 同 Winter 喺度睇波，發燒 40 度都要跑埋落去啦！」今次 K-Pop 勢力席捲世界盃，唔單止帶動咗韓國隊嘅士氣，更令呢場分組賽嘅網絡熱度直接爆燈。
