最新2025-26年度嘅歐聯抽籤結果已經塵埃落定！焦點大戰有利物浦主場迎戰皇家馬德里，意味著阿歷山大-阿諾將會重返晏菲路倒戈。今次嘅歐聯抽籤對一眾英超球隊嚟講充滿挑戰，即刻睇下佢哋嘅完整賽程。
歐聯聯賽階段嘅抽籤（歐聯抽籤）已經舉行完畢，其中阿歷山大-阿諾將會隨皇家馬德里重返晏菲路面對前球會利物浦
發生咩事？
阿歷山大-阿諾將會重返佢自細效力嘅球會，事關西甲班霸皇家馬德里抽中咗利物浦。另一邊廂，曼城亦將會硬撼「銀河艦隊」，呢次歐聯抽籤睇嚟會為英格蘭球會帶嚟一個艱難嘅聯賽階段。此外，阿仙奴喺今次歐聯抽籤後嘅任務亦相當艱鉅，佢哋被抽中同拜仁慕尼黑、國際米蘭同馬德里體育會同組；而北倫敦死敵熱刺就要面對衛冕冠軍巴黎聖日耳門。至於西倫敦方面，車路士就要同巴塞隆拿以及干地帶領嘅拿玻里交手 。
英格蘭球隊抽到邊個？
喺今次嘅歐聯抽籤之後，各英格蘭球隊嘅賽程如下：
- 利物浦：皇家馬德里 (主), 國際米蘭 (客), 馬德里體育會 (主), 法蘭克福 (客), PSV燕豪芬 (主), 馬賽 (客), 卡拉巴克 (主), 加拉塔沙雷 (客)
- 曼城：多蒙特 (主), 皇家馬德里 (客), 利華古遜 (主), 維拉利爾 (客), 拿玻里 (主), 波杜基林特 (客), 加拉塔沙雷 (主), 摩納哥 (客)
- 車路士：巴塞隆拿 (主), 拜仁慕尼黑 (客), 賓菲加 (主), 阿特蘭大 (客), 阿積士 (主), 拿玻里 (客), 柏路斯 (主), 卡拉巴克 (客)
- 阿仙奴：拜仁慕尼黑 (主), 國際米蘭 (客), 馬德里體育會 (主), 布魯日 (客), 奧林比亞高斯 (主), 布拉格斯拉維亞 (客), 凱拉特 (主), 畢爾包 (客)
- 熱刺：多蒙特 (主), 巴黎聖日耳門 (客), 維拉利爾 (主), 法蘭克福 (客), 布拉格斯拉維亞 (主), 波杜基林特 (客), 哥本哈根 (主), 摩納哥 (客)
- 紐卡素：巴塞隆拿 (主), 巴黎聖日耳門 (客), 賓菲加 (主), 利華古遜 (客), PSV燕豪芬 (主), 馬賽 (客), 畢爾包 (主), 聖基萊斯聯 (客)
其他歐洲頂級球隊嘅對手係邊個？
歐洲其他頂級球隊抽籤結果如下：
- 巴黎聖日耳門：拜仁慕尼黑 (主), 巴塞隆拿 (客), 阿特蘭大 (主), 利華古遜 (客), 熱刺 (主), 士砵亭 (客), 紐卡素 (主), 畢爾包 (客)
- 巴塞隆拿：巴黎聖日耳門 (主), 車路士 (客), 法蘭克福 (主), 布魯日 (客), 奧林比亞高斯 (主), 布拉格斯拉維亞 (客), 哥本哈根 (主), 紐卡素 (客)
- 皇家馬德里：曼城 (主), 利物浦 (客), 祖雲達斯 (主), 賓菲加 (客), 馬賽 (主), 奧林比亞高斯 (客), 摩納哥 (主), 凱拉特 (客)
- 多蒙特：國際米蘭 (主), 曼城 (客), 維拉利爾 (主), 祖雲達斯 (客), 波杜基林特 (主), 熱刺 (客), 畢爾包 (主), 哥本哈根 (客)
- 拜仁慕尼黑：車路士 (主), 巴黎聖日耳門 (客), 布魯日 (主), 阿仙奴 (客), 士砵亭 (主), PSV燕豪芬 (客), 聖基萊斯聯 (主), 柏路斯 (客)
- 國際米蘭：利物浦 (主), 多蒙特 (客), 阿仙奴 (主), 馬德里體育會 (客), 布拉格斯拉維亞 (主), 阿積士 (客), 凱拉特 (主), 聖基萊斯聯 (客)
下一步係點？
所有2025-26球季歐聯聯賽階段嘅比賽日期同開波時間，預計會喺星期六公佈 。
